សេចក្តីប្រកាសព័ត៌មាន៖ លទ្ធផលនៃវេទិកាផ្លាស់ប្តូរមិត្តភាពកម្ពុជា-ចិន “ផ្លូវសូត្រផ្សារភ្ជាប់ប្រជាជននិងប្រជាជន” ឆ្នាំ២០២៥
នៅថ្ងៃទី១៧ ខែធ្នូ ឆ្នាំ២០២៥ ផ្ទះយុវជនដើម្បីមិត្តភាពកម្ពុជា-ចិន បានចេញសេចក្តីប្រកាសព័ត៌មានស្តីពីលទ្ធផលនៃវេទិកាផ្លាស់ប្តូរមិត្តភាពកម្ពុជា-ចិន “ផ្លូវសូត្រផ្សារភ្ជាប់ប្រជាជននិងប្រជាជន” ឆ្នាំ២០២៥ ដែលបានប្រព្រឹត្តទៅពីថ្ងៃទី១៤ ដល់ថ្ងៃទី១៦ ខែធ្នូ នៅរាជធានីភ្នំពេញ។
វេទិកានេះបានប្រមូលផ្តុំអ្នកចូលរួមជាង ៤០០នាក់ មកពីស្ថាប័នរដ្ឋ ឯកជន យុវជន និងអង្គការសង្គមស៊ីវិល ដើម្បីពង្រឹងកិច្ចសហប្រតិបត្តិការលើវិស័យអប់រំ ធុរកិច្ច និងការផ្លាស់ប្តូរវប្បធម៌។ ជាលទ្ធផល ស្ថាប័នដៃគូយ៉ាងហោចណាស់ចំនួន ១០ បានចុះហត្ថលេខាលើកិច្ចព្រមព្រៀងដើម្បីបង្កើតកិច្ចសហប្រតិបត្តិការ និងប្រកាសនូវគម្រោងជំនួយសម្រាប់សកម្មភាពសង្គមនានា សំដៅលើកកម្ពស់ទំនាក់ទំនងរវាងប្រជាជននិងប្រជាជន និងកសាងទំនុកចិត្តរវាងប្រទេសទាំងពីរឱ្យកាន់តែស៊ីជម្រៅ។
ផ្ទះយុវជនដើម្បីមិត្តភាពកម្ពុជា-ចិន
